2Wafalme 21:1-18, 22.
Katika kusoma kitabu
cha pili cha Wafalme sura ya 21 kuna simulizi ya mfalme Manase aliyeitawala
Yuda (Ufalme wa Kusini) vibaya, huyu hakuwa mfalme mzuri, alifanya mambo ya
hovyo sana na kulikosesha taifa la Yuda kiasi Mungu aliazimia kuleta mabaya juu
ya watu wa ufalme wa Yuda. Kwenye sura ya 22 simulizi inaendelea na hapa tunamkuta
mfalme Yosia ambaye ni mwijukuu wa mfalme Manase na mrithi wa kiti cha ufalme
wa Yuda, maandiko yanamtaja mfalme Yosia kuwa ni mfalme mzuri aliyemcha Mungu
sana; mfalme Yosia aliamua kuyatafuta mapenzi ya Mungu juu ya Ufalme wake,
katika kumtafuat Mungu huku Yosia anapata kujua ya kwamba kuna ghadhabu ya
Mungu iliyokuwa imeachiliwa wakati wa mfalme Manase babu yake ambyo wakati wa
utimilifu wake ulikuwa umewadia, baada ya kujua hili mfalme Yosia anaamua
kujinyenyekeza mbele za Mungu na Kuomba rehema za Mungu ili aipishie mbali ghadahbu
ile. Maandiko yanaeleza kwamba Mungu alisikiliza sauti ya kilio cha Yosia na
akaiahirisha ghadhabu ile isije juu ya Yuda wakati wa mfalme Yosia.
Kutokana na mistari hii
tunajifunza kwamba ni muhimu sana kutafuta kuyajua mapenzi ya Mungu juu ya nafasi
yako kiuongozi mahali popote, iwe ni kazini kwako, kwenye biashara yako nk; hata
kwenye familia tafuta kuyajua mapenzi ya Mungu juu ya ubaba wako au umama wako.
Katika kutafuta tafuta huko lipo jambo Bwana atakufunulia ambalo
litakuthibitisha juu ya wajibu wako kama baba na kama mama. Yawezekana unakaa
katika eneo/kiti ambacho kina ubaya ambao katika huo Mungu ana kisasi nacho,
yawezekana watangulizi/mtangulizi wako kwa kujua ama kwa kutokujua alimkosea
Mungu kiasi cha kumuudhi sana, sasa ili kujua kama kuna kisasi cha Mungu ama
hakipo tafuta kujua nini mapenzi ya Mungu juu ya kiti chako na eneo lako.
Kwenye familia
yawezekana kujua ama kwa kutokujua mababa waliingia maagano na ufalme wa giza
kama alivyofanya mfalme Manase, yawezekana sana magano yale yanatenda kazi hadi
leo na yanaathiri familia, biashara, na kazi yako. Ni katika kutafuta kujua
nini mapenzi ya Mungu tutafunuliwa kujua asili ya ubaya wote unaotuandama.
Tenga muda wa kusoma
Neno, kuomba, kusikiliza maelekezo ya Mungu juu ya jambo lako.
Barikiwa.
Social Plugin