Nukta Mkato

NUKTA MKATO

Tunatumia nukta mkato katika maandishi tunapounganisha sentensi mbili zinazohusiana kwa karibu. Sehemu ya kwanza ya sentensi inaweza kuwa wazo kamili peke yake. Walakini, mwandishi anaamua kuweka sentensi iendelee. Kwa maneno mengine, sentensi haijaisha.

Katika muktadha wa afya ya akili, sentensi ni maisha yako. Kwa hivyo, nukta mkato ni uamuzi wa kuendelea kuishi. Alama ya nukta mkato inawakilisha ukweli kwamba una nguvu kamili juu yako mwenyewe. Zaidi ya hayo, unaweza kuchagua kuendelea kupigana, hata kama unahisi kukata tamaa na kudhani umefika mwisho wa maisha yako.

Harakati nzima inalenga kuwaleta watu pamoja, kuwezeshana na kuonyesha kwamba sote tunaweza kushinda vikwazo vinavyotukabili, bila kujali ukubwa. Unaweza kuandika upya hadithi yako kila wakati, kuanzisha sura mpya, na kuunda upya maisha yako hata kama unahisi huna pa kuelekea.

Hadithi yako haifai kuisha ikiwa unaamini tu uwezo wako wa kuunda mwanzo mpya. Kwa wengi, nukta mkato inawakilisha mwanzo mpya wa maisha yako. Nusu ya kwanza ya sentensi imefikia tamati, na sasa unaanza sentensi mpya - maisha mapya - kwa mtazamo tofauti.

Hili linaweza kutimizwa kwa kumtembelea mtaalamu wa afya ya akili, kubadilisha tabia, kusoma vitabu vya kuamsha ari ya kupambana, kuchagua marafiki zako.

Unyogovu(depression), Kujiua, na alama ya Nukta Mkato.

Kulingana na WHO(Shirika la Afya Duniani), zaidi ya watu milioni 350 duniani kote wanaugua msongo wa mawazo. Watu wenye magonjwa ya akili mara nyingi huona aibu kuzungumzia masuala yao au wanahisi kama watakuwa mzigo kwa wengine kwa kueleza matatizo yao. Wengi wa watu hawa wanateseka kimya kimya, bila kujua waende wapi au waelekee wapi. Programu ya nukta mkato inawaalika watu kutoka duniani kote kushirikisha hadithi zao wao kwa wao na kwa watu wengine, ili kujipatia moyo mchangamfu na kuvaa ya nukta mkato ili kuonyesha kwamba wamejitolea katika maisha yao na wataendelea kusonga mbele, licha ya dhiki zinazowakabili. Tunawahimiza kuanzisha mazungumzo na wengine kuhusu masuala yao ya afya ya akili badala ya kugeukia kujiumiza, dawa za kulevya, pombe kupita kiasi, au tabia zingine haribufu ambazo kwakweli hazisaidii.

Tunatazamia jumuiya inayokuja pamoja na kusimama pamoja ili kusaidiana

Programu ya nukta mkato pia ni ukumbusho wa kufariji kwamba si lazima ukabiliane na matatizo yako peke yako, na watu wengi duniani kote wamekuwa wakipitia magumu unayopitia.

Wanajua magumu uliyokumbana nayo kwa sababu wao wenyewe wamelazimika kuvuka madaraja hayo hayo. Haijalishi jinsi unavyohisi upweke, kuna mtu huko nje anaweza kuhusiana na mapambano yako.

Ingawa kuzungumza na wengine kuhusu afya yako ya akili inaweza kuwa vigumu, inakuwa rahisi baada ya muda. Kadiri unavyozungumza zaidi kuhusu afya yako ya akili, ndivyo inavyokuwa rahisi zaidi kuendelea kuizungumzia, na ndivyo unavyoanza kuhisi vizuri zaidi. Sasa, usizunguke kumwambia kila mtu unayekutana naye kwamba una unyogovu. Lakini kuongea na watu unaowaamini ni jambo la afya na la kutuliza.

Ninasisistiza, hauko peke yako.

Nukta mkato hutumiwa wakati mwandishi angeweza kuchagua kumaliza sentensi yake, lakini akachagua kutofanya hivyo. Mwandishi ni wewe na sentensi ni maisha yako.

Kumbuka, unapendwa, unathaminiwa, na umeumbwa na Mungu ili kutimiza kusudi maalum. Hakuna mtu anayeweza kutoa kile unachoweza wewe kutoa kwa ulimwengu, kwa hivyo acha nuru yako iangaze. Maisha yako ni muhimu. Muhimu zaidi, una uwezo wa kuunda maisha ya ajabu, yenye furaha. Huwezi kujua ni nani anayehitaji tabasamu lako, maneno yako, kicheko chako, na fadhili zako, kwa hivyo tafadhali kumbuka hili wakati wowote unapohisi kuwa hutakiwi au mpweke.

Kwa kuwa hapa Duniani, unatengeneza chapa ya kudumu, na Ulimwengu ni mahali pazuri zaidi kwa sababu WEWE upo. Asante kwa kuwa pamoja nasi kwenye safari hii nzuri na ya kusisimua tunayojua kama maisha.