Si jukwaa la mbali unalosimama juu yake, bali ni kioo kinachoitikia hali unayoileta ndani yake. Mawazo yako, umakini wako, na mwelekeo wako wa kihisia kwa utulivu huamua kile unachokiona na kile unachokikosa.
Ukibadilisha ishara ya ndani, mpangilio wa nje nao hubadilika. Haimaanishi kwamba unadhibiti kila kitu, lakini ina maana kwamba unashiriki katika kila kitu. 𝐔𝐥𝐢𝐦𝐰𝐞𝐧𝐠𝐮 haujatenganishwa na wewe. Ni wewe katika taswira ya kinyume, ukirudishiwa nguvu unayoishi nayo kila siku.
Unapobadilika kutoka kwenye msongo kwenda kwenye uwazi, kutoka kwenye hofu kwenda kwenye uthabiti, taswira inayokurudia nayo hubadilika pia. Si kwa sababu uhalisia ghafla umekuwa mkarimu, bali kwa sababu umeacha kutuma ishara ya upungufu.
𝐔𝐥𝐢𝐦𝐰𝐞𝐧𝐠𝐮 hauko nje ukikuhukumu. Uko ndani ukikuitikia. Kila uchaguzi, kila wazo, kila pumzi vikiumba ulimwengu unaouishi.
Ukishaona mambo kwa namna hiyo, swali hubadilika. Halitakuwa tena:
"𝐔𝐥𝐢𝐦𝐰𝐞𝐧𝐠𝐮 utanipa nini?"
Bali litakuwa:
"Mimi naleta nini ndani ya ulimwengu?"
Na hapo ndipo nguvu ya kweli huanza.
Usisahau kwamba una hiari na uhuru wa kuchagua namna unavyotaka 𝐔𝐥𝐢𝐦𝐰𝐞𝐧𝐠𝐮 ukutambue, usipoitumia hiari hii 𝐔𝐥𝐢𝐦𝐰𝐞𝐧𝐠𝐮 utakuchagulia namna unavyoona wenyewe na utakudhibiti..
Natumai utachagua kuwa mkubwa na sio kusinyaa kwa faida na faraja ya wengine.
Jipe ruhusa ya kuchukua nafasi unayoistahili. Yesu anasema wewe ni nuru ya 𝐔𝐥𝐢𝐦𝐰𝐞𝐧𝐠𝐮 (Math 5:14), nenda uangaze na uchanue sana bila majuto.
Social Plugin